Gaan groot – Tag

Baie keer in my lewe sê mense vir my. “Jinne Wipneus, jy is net te gelukkig”. Is daar iets soos “te“ gelukkig wees? Wat op aarde beteken dit, wonder ek altyd?

Ja ek is gelukkig, Ek lewe ‘n wonderlike lewe. Hoekom kan ek nie sê ek is gelukkig nie. Daar het ook al baie slegte dinge met my gebeur. Maar ek verkies nogsteeds om gelukkig te wees. Ek wil nie heel dag sit en “sulk” nie, hoe vervelig moet so lewe wees? Hoe ongelukkig moet so lewe wees?

My vraag is, hoekom sou mense die aanmerking maak? Ons lewens is presies dieselfde, myne is nie anders nie, wel nie baie anders nie. Niks maak hulle meer opgewonde nie, hulle gaan net aan met die lewe. Dus sommer hier kan ek ‘n rede uitdink, mens verval in gewoonte, hulle is bang vir verandering. Verandering gaan gewoondlik gepaard met ‘n paar ongemaklikhede, roetine verander.

Sommige mense sê altyd: “Ag, nee jy sit aan, geen mens kan so gelukkig wees nie. Die mense wat my lank genoeg ken weet, dis maar soos Wipneus operate. Niks aansittery, wat jy sien is wat jy kry…. So gemaak so laat staan.

It’s always happy hour

Om gelukkig te wees moet jy jouself omring met positiewe en gelukkige mense. Mense wat lekker kan lag. Ons almal gaan deur donker dae, ek kry dit ook. Ek was ‘n jaar van my verstand af, dit was hel in daardie wêreld. Vandag is ek weer my ou self, gelukkig - “not a care in the world” . My teddie, kinders, vriendinne en familie het bankvas agter my gestaan en het my weer help opstaan. Ek noem ook hierdie mense vandag, my beskerm engele.

Dit het byvoorbeeld vreeslik rof gegaan hierdie week. Ek het verwilderd na die lewe gestaar. Lisa (my pasella dogtertjie) sê: “Wipneus, ons is people pleasers, nie ‘n slegte ding nie (We try to make the world a better place) maar ten koste van onsself en die mense vir wie ons “genuine” lief is. Ons moet Marilize se raad volg: : “get your hair done and put on your happy face”…(dan trek Marilize haar gesig so fake smile)!!

So ek kry ook my af dae, maar ek is nogsteeds gelukkig, my lewe is “bliss”. Hoe kan dit ongelukkig wees. Ek het ‘n man en kinders wat baie lief is vir my. Ek het ‘n dak oor my kop, kossies op die tafel en ‘n hele hoop vriende en vriendinne wat regtig vir my omgee. Geluk lê binne in jouself. Dis jou eie keuse.

Daar gaan altyd mense wees wat wil hê jy moet minder gelukkig wees,. Hulle sal dinge doen en sê om in die pad van jou geluk te staan. Moet dit nooit toelaat nie. Moenie dat hierdie mense jou insluk nie. As hulle dinge sê en doen waarmee jy nie saamstem nie, hou verby, of ignoreer dit, pleit doof en blind. Wees gelukkig, wees lief vir die lewe, wees lief vir jouself en onthou, en kyk om jou rond, jy het baie om voor dankbaar te wees.

Adrie het my getag, sy soek “Wipneus” se slagspreuk:

“It’s always happy hour

Don’t worry be happy”

It’s good to be just plain happy; it’s a little better to know that you’re happy; but to understand that you’re happy and to know why and how and still be happy, be happy in the being and the knowing, well that is beyond happiness, that is bliss.

Ns:

Ek is so bly om weer terug te wees hier voor my juweleboksie, onder die maan en sterre!! En ek het so verlang na julle klomp!!! Nou gaan ek begin blogs lees…. oe-la-la “Bliss”

Ek tag vir Annie Reisiger Nikita Sonneblom Boendoe