Wipneus is Wicked

Confession Time

Ek is met ‘n baie “wicked” streep gebore! Ek beskerm wat myne is!! Mense moenie hulle streke by my kom uithaal nie!!

Toe ek jonger was, was dit nog erger, niks wou mooi saam werk daarbo nie, die hele homeostase was in tru-rat!! Ek het baie “mellow and mild” geraak soos die jare aangestap het.

Laat die confession begin:

Jare terug het Teddie met uraan en atoomstoffies gespeel, hy het dit sy werk genoem. Almal in daardie Lab was soos een groot familie, ons was groot maats.

Elke keer as ons braai, uiteet of kuier dan fluister die vrouens in my oor van Mej Flirt. Hierdie was die organisasie se nr 1 flirt. Ek het maar geluister na al die stories en dit nie te ernstig opgeneem nie. Ek het Mej Flirt maar so met die een oog dop gehou, alweer so vanuit my hoek….

Sy het die rol vertolk van die onskuldige dogtertjie en natuurlik een wat niks vir haarself kan doen nie. Sy het altyd saamry geleenthede gesoek (net by mans), haar kar was ook gereeld stukkend en een van die manne moes help kar diens of kar heelmaak. Nou hier praat ons van getroude manne!! Ja al die manne in die Lab was getroud.

Die vrouens van die mans het nou al harder in Wipneus se ore begin fluister, hulle was ontstig en rooi-warm!!! Sue moet hierdie naweek alleen sit, want David moet Mej Flirt se kar gaan diens. Sandy vertel my, Mej Flirt het ‘n saamry geleentheid saam Eddy gehad, al 25 kilometer alleen in die kar. Nee, sê Sue vir my “Wipneus ek vertrou nie die vrede nie, ek hou ook nie daarvan dat sy saam my man alleen in die kar ry nie”

In daardie jare was Wipneus die perfekte definisie van ‘n rooikop met groen oë. Die humeur was onuithoudbaar, selfs vir myself Dan het ek mos nog so Gypsy streep ook weg. Ek wonder of my voorvaders dalk Gypsy’s was? Moet wees, want ek het mos nou nog hierdie passie vir kamele ook, hulle was seker Gypsy’s wat met kamele gereis het!! Ek knoop ‘n affair aan met enige kameel wat my pad kruis, dood of lewendig.

Kamele in my huis

Terug na my confession. Wipneus is nie baie gepla oor die Mej Flirt nie. Ek en Teddie was nog buitendien op honeymoon, mens hou mos nog so jaar honeymoon na jy getroud is. Teddie sal haar buitendien ignoreer, hy weet wat goed is vir hom.

Maar natuurlik laat Mej Flirt haar nie sommer ignoreer nie. Ek dink hierdie vrouens loop klasse om die perfekte Mej Flirt te wees.

Sue bel my hewig ontsteld, vra of ek weet dat Mej Flirt se verloofde haar gelos het. Sy gaan verder en sê: “Wipneus ou Flirt is nou rooi-warm. Sy maak David se lewe nou hel, want hy moet kom kar diens, en Sue steek viervoet vas, sy weier. Ek luister en kalmeer vir Sue: “Nee, moenie komkommer nie girl, mans gaan nie regtig vir die vrouens nie”

In die tussentyd het Teddie nou ‘n goeie aanbieding gekry by ‘n ander plekkie. Hy werk sy laaste dag en die volgende Saterdag-aand hou ons Lab vriende lekker braai. Dinge moet mos gevier word. Alles gaan jolig en “trieng trieng” daar lui die telefoon. Ta – daaaa Ek antwoord, dis Mej Flirt. Ek gesels vriendelik maar wonder tog so in my agterkop hoekom sy bel, moet iets weer gediens word? Uiteindelik word my nuuskierigheid bevredig. Nee , sy wil asb met Teddie praat want sy wil hoor hoe gaan dit met sy nuwe werk. Huh??? sy was nie eindelik deel van die Lab familie nie.

Ek roep Teddie………….. Die rooihare skyn warm in my gesig in, alles voel rooi! Seker die dat ek nie vandag so baie van Rooi hou nie.

Ek wil bylas ek het ook al die Doktore geken, Teddie se baas se vrou en ek was inteendeel groot vriendinne.

Die uiteinde van hierdie saak is:

Mej Flirt het ‘n maand later haar laaste dag by die plek met die atoomstoffies gewerk. Hoe ek dit gedoen het gaan ek nie vir julle vertel nie. Maar ek baklei vir my drome….. ek laat niemand tussen my en my drome kom nie… amper soos daardie liedjie:

Lapaside gee pad hier kom ek,

wees ‘n wenner en hou aan glo

as iemand tussen jou en jou droom staan

sê Lapaside en vat die pad na ……

Moral of the story:

Girls pasop daar is gevaarlike dinge daarbuite ……

Ons weet dit nie eers nie, ons is in la-la -land…

Hou julle oë oop, hulle mag dalk net julle goedjies onder julle neuse uit gaps!!

whahahaha

Groete

Wicked Wipneus

Krediet:

Elizma Theron – Lapaside